गोकर्ण येथे वीज कोसळून चार मजूर गंभीर जखमी

कारवार : गोकर्ण येथे वीज कोसळून चार मजूर गंभीररित्या जखमी झाल्याची घटना गुरुवारी घडली. जखमींमध्ये एक स्थानिक तर तीन बिहारी मजुरांचा समावेश आहे. परमेशी (रा. बीदगरे-गोकर्ण), अलम, आझाद, अनुषकुमार (तिघेही रा. बिहार) अशी जखमींची नावे आहेत. या घटनेबद्दला समजलेली अधिक माहिती अशी, गोकर्ण परिसरातील री झॉर्टसमध्ये काम करणारे मजूर गुरुवारी गोकर्ण येथील आठवडी बाजाराला गेले होते. तेहा अचानकपणे पावसाला सुरुवात झाली. त्यावेळी हे मजूर झाडाखाली थांबले होते आणि तेव्हा वीज कोसळल्याने ते गंभीररित्या जखमी झाले. जखमींना तातडीने गोकर्ण येथील प्राथमिक आरोग्य केंद्रात उपचारासाठी दाखल करण्यात आले. जखमींच्या जीवनावरील धोका टळला आहे. डॉ. जगदश नाईक आणि कर्मचारी जखमींवर उपचार करीत आहेत.