पहिले रेल्वेगेट येथील बॅरिकेड्स हटावसाठी पोलीस आयुक्तांना निवेदन

बेळगाव : पहिले रेल्वे गेट येथील बॅरिकेड्स लावून 14 हून अधिक वर्षे उलटली. सदर बॅरिकेडस हटवावीत, यासाठी सामाजिक कार्यकर्ते सुभाष घोलप व अनेकजण  अखंड प्रयत्न करत असूनही ‘गल्ली ते दिल्ली’पर्यंत संपर्क साधूनही बॅरिकेड्स हटविले नाहीत. याबाबत सुभाष घोलप यांनी पोलीस आयुक्त भूषण बोरसे यांना निवेदन दिले. तसेच दि. 26 रोजी सकाळी 11 वा. पोलीस आयुक्त कार्यालयासमोर कार्यकर्ते उपोषणाला बसणार आहेत. बॅरिकेडस हटाव मागणीसाठी नागरिकांनी सहभागी व्हावे, असे आवाहन करण्यात आले आहे.