पहिला दिवा महाराजांसाठी

शिवप्रतिष्ठान हिंदुस्थानतर्फे छत्रपती शिवाजी उद्यानात आयोजन

बेळगाव : शिवप्रतिष्ठान हिंदुस्थानतर्फे गुरुवारी छत्रपती शिवाजी उद्यानात पहिला दिवा महाराजांना हा कार्यक्रम झाला. पहाटे हभप गोपाळ पाटील, कर्नाटक प्रांतप्रमुख किरण गावडे यांच्या हस्ते पहिला दिवा प्रज्वलित करण्यात आला. यावेळी सुशांत तरळेकर, ओमकार पाटील, अनंत सावंत यांच्या हस्ते काकड पूजा झाली. प्रारंभी प्रेरणामंत्र झाला. किरण गावडे यांच्या हस्ते आरती झाली. धारकरी नामदेव पिसे यांच्या मार्गदर्शनाखाली हा कार्यक्रम झाला. याप्रसंगी जिल्हा प्रमुख विश्वनाथ पाटील, तालुका प्रमुख परशुराम कोकितकर, शहरप्रमुख अनंत चौगुले, विभागप्रमुख प्रमोद चौगुले, गजानन पवार, परशुराम पाटील, प्रसाद बाचूळकर, अनंत कांबळे, विजय कुंटे, महेश गावडे, प्रफुल्ल शिरोळकर यासह धारकरी, कार्यकर्ते उपस्थित होते. ध्येयमंत्राने सांगता झाली.