वायुसैनिक प्रशिक्षण केंद्रातील यशस्वी प्रशिक्षणार्थींना निरोप

बेळगाव : सांबरा येथील वायुसैनिक प्रशिक्षण विद्यालयात प्रशिक्षण पूर्ण केलेल्या वैद्यकीय साहाय्यक प्रशिक्षणार्थींना शनिवारी निरोप देण्यात आला. वीस आठवड्यांचे जॉईंट बेसिक फेस ट्रेनिंग प्रशिक्षणार्थींना देण्यात आले. यानंतर त्यांचा सन्मान करून त्यांना निरोप देण्यात आला. या कार्यक्रमाला प्रमुख पाहुणे म्हणून स्टेशन कमांडर ग्रुप कॅप्टन वाय. के. दीक्षित उपस्थित होते. बेसिक प्रशिक्षण पूर्ण केलेल्या प्रशिक्षणार्थींना बेंगळूर येथे पुढील प्रशिक्षण दिले जाणार आहे. प्रशिक्षणावेळी वायुसैनिक अरुणकुमार याला सर्वोत्तम प्रशिक्षणार्थीचा पुरस्कार देण्यात आला. बेस्ट इन अकॅडमीमध्ये पी. क्रांती तर ऑर्डर ऑफ मेरीटमध्ये अरुणकुमार यांना सन्मानित करण्यात आले. यावेळी वायुदलाचे अधिकारी, जवान व त्यांचे कुटुंबीय उपस्थित होते.