पोस्टमन सर्कल परिसरात खड्यांचे साम्राज्य

कॅन्टोन्मेंट बोर्डच्या दुर्लक्षामुळे व्यापाऱ्यांमध्ये नाराजी

बेळगाव : कॅम्प येथील पोस्टमन सर्कल येथे खाड्यांमुळे रस्त्याची दुरवस्था झाली आहे. दोन महिन्यांपूर्वी तात्पुरत्या स्वरुपात टाकण्यात आलेली खडी उखडली असल्याने परिसरात पुन्हा एकदा खड्डे पडले आहेत. परंतु, दुरुस्तीकडे कॅन्टोन्मेंट बोर्डचे दुर्लक्ष होत असल्याने व्यापारी व नागरिकांमधून संताप व्यक्त होत आहे. वर्दळ असणाऱ्या पोस्टमन सर्कल येथे नेहमीच रस्त्याची दुरवस्था झालेली असते. वरचेवर रस्ता दुरुस्त करूनही याठिकाणी खड्डे पडतात. पाण्याचा योग्यप्रकारे निचरा होत नसल्यामुळे रस्त्यावर पाणी साचून खड्डे पडत आहेत. आयनॉक्स चित्रपटगृहापासून पोस्टमन सर्कलपयर्तिंच्या रस्त्यावर दोन्ही बाजूंना मोठमोठे खड्डे पडले असले तरी कॅन्टोन्मेंटचे जाणीवपूर्वक दुर्लक्ष होत आहे. त्यामुळे लवकर दुरुस्ती करण्याची मागणी होत आहे.