निवडणूक आयोगाकडून ‘मतदार हेल्पलाईन 1950’

तक्रार निवारणासाठी ‘बुक ए कॉल विथ बीएलओ’ सुविधा

पणजी : भारतीय निवडणूक आयोगाने (ईसीआय) ‘राष्ट्रीय मतदार हेल्पलाइन 1950’  सक्रिय केली आहे. त्याचबरोबर नागरिकांना निवडणुकीशी संबंधित शंका आणि तक्रारींचे निराकरण करण्यात मदत करण्यासाठी ‘बुक-ए-कॉल विथ बीएलओ’ ही सुविधा सुरू केली आहे. भारतीय निवडणूक आयोगाने प्रमाणित केल्यानुसार, टोल-फ्री हेल्पलाईन (1800-11-1950) दररोज सकाळी 8 ते रात्री 8 वाजेपर्यंत सुरू असते, जी कॉलरना मदतीसाठी प्रशिक्षित अधिकाऱ्यांशी जोडते. प्रादेशिक भाषांमध्ये स्थानिक समर्थन प्रदान करण्यासाठी राज्य आणि जिल्हा संपर्क केंद्रे देखील स्थापन करण्यात आली आहेत, सर्व तक्रारी राष्ट्रीय तक्रार सेवा पोर्टल (एनजीएसपी 2.0) द्वारे ट्रॅक केल्या जातात. ‘इसीआयएनइटी’ प्लॅटफॉर्मवरील नवीन ‘बुक-ए-कॉल विथ बीएलओ‘ वैशिष्ट्याद्वारे, मतदार थेट त्यांच्या बूथ लेव्हल अधिकाऱ्यांशी संपर्क साधू शकतात, तर अधिकाऱ्यांना 48 तासांच्या आत तक्रार निवारण सुनिश्चित करण्याचे निर्देश देण्यात आले आहेत. मतदार ‘इसीआयएनइटी’ अॅपद्वारे किंवा ईमेलद्वारेही भारतीय निवडणूक आयोगाशी संपर्क साधू शकतात, असे सांगण्यात आले आहे.