चोरट्याकडून आठ मोटारसायकली हस्तगत

एपीएमसी पोलिसांची कारवाई

बेळगाव : गँगवाडी-रामनगर येथील एका तरुणाला अटक करून एपीएमसी पोलिसांनी आठ मोटारसायकली जप्त केल्या आहेत. एपीएमसी व संकेश्वर पोलीस स्थानकाच्या कार्यक्षेत्रातून दोन मोटारसायकली चोरल्याचे पोलीस तपासात उघडकीस आले असून उर्वरित सहा मोटारसायकलींचे मालक कोण? याचा तपास करण्यात येत आहे. एपीएमसीचे प्रभारी पोलीस निरीक्षक आर. आर. पाटील, उपनिरीक्षक मंजुनाथ बजंत्री, त्रिवेणी नाटीकार, साहाय्यक पोलीस उपनिरीक्षक बी. के. मिटगार, बी. एम. नरगुंद, एफ. बी. मुजावर, खादर खानमन्नावर, गोविंद पुजारी, एन. बी. बिरगोंड आदींनी ही कारवाई केली आहे. पोलीस उपायुक्त रोहन जगदीश यांनी ही माहिती दिली आहे. हेमंत शिवाजी जांगळे, मूळचा राहणार ज्योतीनगर, सध्या रा. गँगवाडी-रामनगर असे अटक करण्यात आलेल्याचे नाव आहे. केएलई इस्पितळ रोडवर संशयास्पदरीत्या फिरताना पोलिसांनी त्याला ताब्यात घेऊन त्याची चौकशी केली असता वेगवेगळ्या ठिकाणांहून मोटारसायकली चोरल्याची कबुली दिली आहे. सहा मोटारसायकली कोणाच्या आहेत, त्याने कुठून चोरल्या? याचा तपास करण्यात येत आहे.