जोकोव्हिच, सैफुलीन चौथ्या फेरीत

वृत्तसंस्था/ शांघाय

एटीपी टूरवरील येथे सुरू असलेल्या शांघाय मास्टर्स पुरुषांच्या आंतरराष्ट्रीय टेनिस स्पर्धेत सर्बियाचा माजी टॉप सिडेड जोकोव्हिच तसेच रोमन सैफुलीन यांनी एकेरीची चौथी फेरी गाठली आहे.

मंगळवारी या स्पर्धेतील झालेल्या तिसऱ्या फेरीतील सामन्यात जोकोव्हिचने कोबोलीचा 6-1, 6-2 अशा सरळ सेटमध्ये फडशा पाडला. तर अन्य एका सामन्यात सैफुलीनने अमेरिकेच्या टिफोईवर 5-7, 7-5, 7-6(7-5) अशी मात करत चौथ्या फेरीत स्थान मिळविले. जोकोव्हिच आणि सैफुलीन यांच्यात चौथ्या फेरीत गाठ पडेल. ग्रीकच्या सित्सिपेसने मुलेरचा 6-3, 7-5, शेल्टनने बायेनाचा 6-3, 6-4, टेलर फ्रिजने जपानच्या वेटानुकीचा 6-3, 6-4, डिमीट्रोव्हने पॉपीरिनचा 7-6(7-5), 6-3, मोनफिल्सने हंबर्टचा 7-6(7-5), 2-6, 6-1, मॅकहेकने ऑस्ट्रेलियाच्या व्ह्यूकीकचा 6-4, 6-2 असा पराभव करत पुढील फेरीत स्थान मिळविले.

वूहान येथे सुरू असलेल्या डब्ल्युटीए टूरवरील स्पर्धेत सिनीयाकोहाने फिलीपिन्सच्या इलाचा 6-3, 6-1 असा पराभव करत पुढील फेरीत स्थान मिळविले. पोलंडच्या लिनेटीने सॅमसोनोव्हाचा 6-2, 6-2, अॅलेक्सेंड्रोव्हाने सोफीया किनेनचा 6-1, 4-6, 6-4 असा पराभव करत पुढील फेरीत प्रवेश केला.