बिबवणे ग्रामदैवत श्री देव गिरोबा पंचायतनचा जत्रोत्सव उद्या

कुडाळ -

बिबवणे येथील ग्रामदैवत श्री देव गिरोबा पंचायतनचा वार्षिक जत्रोत्सव 1 डिसेंबर रोजी साजरा करण्यात येणार आहे यानिमित्त सकाळी धार्मिक विधी, दुपारी 2.30 वाजता तरंग काठी नेसविणे,त्यानंतर नारळ - केळी ठेवणे, नवस बोलणे - फेडणे, ओटी भरणे , रात्री 11 वाजता श्री ची पालखी मिरवणूक व नंतर वालावलकर दशावतार मंडळाचे नाटक होणार आहे. भाविकांनी उपस्थित राहावे, असे आवाहन श्री देव गिरोबा पंचायतनचे समस्त मानकरी व बिबवणे ग्रामस्थांनी केले आहे.