आ. नितेश राणेंच्या प्रचारासाठी 16 रोजी उपमुख्यमंत्री देवेंद्र फडणवीस कणकवलीत

कणकवली होणार जाहीर सभा

कणकवली /प्रतिनिधी
कणकवली -देवगड -वैभववाडी विधानसभा मतदारसंघातील महायुतीचे उमेदवार आमदार नितेश राणे यांच्या प्रचारार्थ भाजपनेते, उपमुख्यमंत्री देवेंद्र फडणवीस यांची 16 नोव्हेंबर रोजी कणकवलीत जाहीर सभा होणार आहे. 16 रोजी दुपारी 1 वाजता येथील उपजिल्हा रुग्णालयाच्या पटांगणावर ही सभा होणार असून यावेळी मोठ्या संख्येने पदाधिकारी, कार्यकर्ते, नागरिक यांनी मोठ्या संख्येने उपस्थित रहावे असे आवाहन जिल्हाध्यक्ष प्रभाकर सावंत यांनी केले. भाजपचे राष्ट्रीय सरचिटणीस विनोद तावडे, गोव्याचे मुख्यमंत्री प्रमोद सावंत यांच्या पत्नी सुलक्षणा सावंत यांचे दौरे या मतदारसंघात झाले. त्यांना चांगला प्रतिसाद मिळाला. या मतदारसंघातून आमदार नितेश राणे यांना जास्तीत जास्त मताधिक्य देण्यासाठी ही सभा महत्त्वपूर्ण असणार असल्याचेही श्री. सावंत यांनी सांगितले.