श्रीक्षेत्र दक्षिणकाशी कपिलेश्वर मंदिरमध्ये दीपोत्सव

बेळगाव : श्रीक्षेत्र दक्षिणकाशी कपिलेश्वर मंदिरमध्ये कार्तिक अमावास्येनिमित्त दीपोत्सव करण्यात आला होता. सकाळपासूनच विशेष धार्मिक पूजेचे आयोजन करण्यात आले होते. त्यामध्ये विशेष लोणी पूजा व सायंकाळी मंदिर ट्रस्ट व सर्व महिला सेवेकऱ्यांच्यावतीने महाआरती करून दीपोत्सवला सुऊवात झाली. मंदिर परिसरामध्ये आकर्षक रांगोळी व दिव्यांनी संपूर्ण मंदिर परिसर तसेच कपिलेश्वर मंदिराच्या बाजूला गणपती विसर्जन तलावावर विशेष रांगोळी तसेच आकर्षक विद्युत रोषणाई व आतषबाजी करून दीपोत्सव उत्साहात साजरा करण्यात आला. मंदिराच्या हॉलमध्ये 12 ज्योतिर्लिंगसहित शिवशंकर शंभूचा परिवार रांगोळीत रेखाटण्यात आला होता. यामध्ये रांगोळी कलाकारांचा मंदिराच्यावतीने सत्कार करण्यात आला. ही आकर्षक रांगोळी रेखाटण्यासाठी सात्विक अनिगोल, दिव्या कंग्राळकर, शिवनंदन पाटील, भाविका नौखंडकर, श्रेया कुलकर्णी, स्वाती चन्नेवाडकर, स्वाती कणबरकर, रेवती पाटील, निलेश पाटील यांनी विशेष परिश्रम घेतले.