लोकमान्य श्रीराम मंदिरमध्ये दीपोत्सव

बेळगाव : शहापूर गाडेमार्ग येथील पुरातन लोकमान्य श्रीराम मंदिरमध्ये रविवारी दीपोत्सव साजरा करण्यात आला. मंदिराचे पुजारी चिदंबर ग्रामोपाध्ये यांच्या पौरोहित्याखाली शंकरराव बांदकर यांच्या हस्ते श्रीराम, सीता, लक्ष्मण व हनुमान मूर्तींचे पूजन करण्यात आले. शंकर बांदकर यांचा सुधीर कालकुंद्रीकर व राजेश हंडे यांनी सत्कार केला. लोकमान्य सोसायटीचे संचालक गजानन धामणेकर यांचा सत्कार बांदकर यांनी केला. तसेच दीपोत्सव या विषयावर प्रवचन केले. त्यानंतर उपस्थित महिलांनी मंदिर परिसरात पणत्या लावून परिसर उजळवला. याप्रसंगी मंदिर ट्रस्टचे सुबोध गावडे यांनी सर्वांना शुभेच्छा दिल्या. मंदिराच्या आवारात सायली, सोनम यांनी सुरेख रांगोळी रेखाटली.