धावत्या रेल्वेतून पडून अनोळखीचा मृत्यू

बेळगाव : धावत्या रेल्वेतून पडून एका अनोळखीचा मृत्यू झाला. शुक्रवारी सकाळी देवराई-शिवठाण रेल्वेस्थानकादरम्यान ही घटना उघडकीस आली असून बेळगाव रेल्वे पोलीस स्थानकात या घटनेची नोंद झाली आहे. रेल्वे पोलिसांनी सुमारे 40 ते 45 वर्षीय अनोळखीचा मृतदेह ताब्यात घेतला आहे. त्याची ओळख पटविण्यासाठी प्रयत्न करण्यात येत आहेत. 5 फूट 6 इंच उंची, लालसर वर्ण, उभट चेहरा, अंगाने सडपातळ असे त्याचे वर्णन आहे. त्याने आपल्या गळ्यात लाल दोरा बांधला होता. त्याच्या अंगावर निळे फुल शर्ट, क्रिम रंगाची पँट परिधान केली आहे. वरील वर्णनाच्या अनोळखीविषयी कोणाला माहिती असल्यास बेळगाव रेल्वे पोलीस स्थानकाशी संपर्क साधण्याचे आवाहन करण्यात आले आहे.