कागवाडमधील मोळेनजीक कालव्यात अर्भकाचा मृतदेह

बेळगाव : कागवाड तालुक्यातील मोळेजवळील कालव्यात अर्भकाचा मृतदेह आढळून आला आहे. कौलगुड्ड-मोळे मार्गावरील कालव्यात आढळलेला मृतदेह कागवाड पोलिसांनी ताब्यात घेतला आहे. घटनेची माहिती मिळताच बालविकास अधिकारी, पोलीस अधिकाऱ्यांनी घटनास्थळी भेट देऊन पंचनामा केला. मृतदेह पाण्याबाहेर काढण्यात आला. चार दिवसांपूर्वी अज्ञातांनी मृत अर्भक कालव्यात टाकल्याचा संशय व्यक्त होत आहे. पोलीस पुढील तपास करीत आहेत.