गणाचारी गल्लीतील ‘त्या’ भिंतीमुळे धोका

बेळगाव : गणाचारी गल्ली येथील जुन्या घराची भिंत कोसळत असून घराच्या भिंतींचा काही भाग दररोज थोडाथोडा कोसळत आहे. मात्र अद्याप कोणत्याही अधिकाऱ्याने याकडे गांभीर्याने लक्ष दिलेले नाही. हा रस्ता नेहमीच्या वर्दळीचा आहे. येथून शेकडो वाहनांची नेहमी ये-जा होत असते. मात्र जर एखाद्यावेळी चुकून भिंत किंवा घर कोसळले तर त्याचा फटका बसण्याची शक्यता आहे. त्यामुळे लवकरात लवकर याकडे लक्ष देण्याची मागणी होत आहे.