चव्हाट गल्लीत भिंत कोसळून नुकसान

बेळगाव : चव्हाट गल्ली येथील मल्हारी बाबुराव नाईक यांच्या राहत्या घराची भिंत पावसामुळे कोसळली. त्यामुळे घरावरील पत्रे, भिंत, टीव्ही यासह अन्य वस्तूंचे नुकसान झाले आहे. त्यामुळे या वयोवृद्ध दाम्पत्याचा संसार उघड्यावर आला आहे. जिल्ह्यात ठिकठिकाणी पावसाने थैमान घातले आहे. त्याचा फटका जुन्या घरांना बसला आहे. शहरात, तालुक्यात आणि जिल्ह्यातही घराच्या भिंती कोसळण्याचे, छप्पर उडून जाण्याचे प्रकार घडले आहेत. मल्हारी यांच्या घराचेही नुकसान झाले असून तलाठी व महापालिका अधिकाऱ्यांनी पाहणी करून पंचनामा करावा व नुकसानभरपाई द्यावी, अशी मागणी होत आहे.