कसबा नंदगड येथे घराची भिंत पडून नुकसान

वार्ताहर/नंदगड

कसबा नंदगड ता. खानापूर येथे गुरुवारी पहाटे घराची भिंत पडून नुकसान झाले आहे. जवळपास 30 फूट लांब व 18 फूट रुंदीची भिंत होती. घर पत्र्याचे होते. यामध्ये घर मालक श्रीकांत बरगावकर यांचे सुमारे तीन लाख रु. चे नुकसान झाले आहे. या घरात श्रीकांत बरगावकर यांचे बंधू किरण बरगावकर आपली पत्नी, मुलाबाळासह रहात होते. भिंत पडली त्यावेळी ते गाढ झोपले होते. भिंत बाहेरच्या बाजूने पडल्याने घरात झोपलेले सुदेवाने बचावले. या भागात दमदार पाऊस पडत असून अती पावसामुळे घरांच्या भिंती पडून नुकसान होण्याचे सत्र सुरुच आहे. घराची भिंत पडल्याने घरात पावसाचे पाणी शिरुन घरातील संसारपयोगी साहित्याचे भिजून नुकसान झाले आहे.