Pandharpur News : पंढरपूर-अथणी महामार्गावर कंटेनर- दुचाकी अपघात, दोघांचा जागीच मृत्यू

                           जत तालुक्यातील शेगाव हद्दीत कंटेनरची दुचाकीशी धडक

जतः जत तालुक्यातील पंढरपूर- अथणी राष्ट्रीय महामार्गवरील शेगावच्या हद्दीत प्राथमिक आरोग्य केंद्रात समोर कंटेनर व दुचाकीची समोरासमोर धडक होऊन दुचाकीवरील दोघांचा जागीच मृत्यू झाला आहे.

कामन्ना संगाप्पा हत्तळी (वय २५, मूळ रा. चिकलगी, ता. मंगळवेढा, जि. सोलापूर) व सचिन गणेश व्हनमाने (वय २१, रा. शेगाव, ता. जत) असे मृत तरुणांची नावे असून गुरुवारी दुपारी ३.३० च्या सुमारास ही घटना घडली. याबाबत जत पोलीस ठाण्यात रात्री उशीरापर्यंत घटनेची नोंद करण्याची प्रक्रिया सुरू होती.

घटनेनंतर जत पोलीस तत्काळ घटनास्थळी दाखल होते. पंचनामा करून मृतदेह जत ग्रामीण रुग्णालय येथे शवविच्छेदन करण्यासाठी दाखल केले होते.पोलिसांकडून व घटनास्थळी मिळालेली अधिक माहिती अशी, कामन्ना हत्तळी व सचिन व्हनमाने हे कंटेनर चालक आहेत.

मृत हत्तळी याच्या मोठ्या भावाचे शुक्रवारी गावी लग्नग्न असल्याने तो शेगाव येथील पेट्रोल पंपावर माल भरलेला कंटेनर लावला होता. तर हत्तळी त्याचा मित्र व्हनमाने याला कंटेनर घेऊन चेन्नईला जाण्यास सांगून त्याला शेगावहून पेट्रोल पंपावर सोडण्यासाठी निघाला होता. दरम्यान, जतहून सांगोल्याच्या दिशेने एक कंटेनर निघाला होता.