कान्सुली कबड्डी संघाची राज्यस्तरीय निवड

बेळगाव : विजापूर येथे होणाऱ्या राज्यस्तरीय कबड्डी स्पर्धेसाठी खानापूर तालुक्यातील मराठा मंडळ कान्सुली हायस्कूलच्या कबड्डी संघाची राज्यस्तरीय निवड करण्यात आली. शांतिनिकेतन पब्लिक स्कूल खानापूर येथे पार पडलेल्या जिल्हास्तरीय कबड्डी स्पर्धेत खानापूर तालुक्यातील मराठा मंडळ कान्सुली हायस्कूलने प्रथम क्रमांक पटकाविल्याने त्यांची राज्यस्तरीय कबड्डी स्पर्धेसाठी निवड झाली. या संघाला मराठा मंडळाच्या अध्यक्षा डॉ. राजश्रीताई नागराजू, सुरेखा मिरजी, शाळेचे मुख्याध्यापक, सहशिक्षक, क्रीडाशिक्षक आणि कोच सुशांत तिरवीर, मल्लेशी लोकोळकर यांचे मार्गदर्शन लाभत आहे.