आर्या काकतकरची अभिनंदनीय निवड

बेळगाव : सार्वजनिक शिक्षण खात्यातर्फे घेण्यात आलेल्या विभागीय कराटे स्पर्धेत डी. टी. देसाई पब्लिक स्कूलची विद्यार्थिनी आर्या काकतकरने चांगली कामगिरी केल्याने तिची राज्यस्तरीय स्पर्धेसाठी विभागीय जिल्हा संघात निवड झाली आहे. जिल्हास्तरीय स्पर्धेत 36 किलो वजनी गटात आर्याने आपल्या प्रतिस्पर्ध्यावर मात करत सुवर्णपदक मिळविले. चिक्कबळापूर येथे होणाऱ्या शिक्षण खात्याच्या राज्यस्तरीय कराटे स्पर्धेसाठी ती सहभागी होत आहे. तिला प्रशिक्षक दीपक काकतीकर, क्रीडाशिक्षक शिला सानिकोप्प, आकाश बडिगेर यांचे मार्गदर्शन व प्राचार्य प्रतीक्षा देसाई, आई-वडील व शिक्षकांचे प्रोत्साहन लाभत आहे.