आर्यन खानविरुद्ध बेंगळुरात तक्रार

बेंगळूर : बॉलिवूड अभिनेता शाहरुख खानचा पुत्र आर्यन खान याने अश्लील हावभाव केल्याप्रकरणी बेंगळूरच्या कब्बन पार्क पोलीस स्थानकात तक्रार दाखल करण्यात आली आहे. मागील आठवड्यात आर्यन खानने बेंगळूमधील पार्टीला हजेरी लावली होती. त्यामुळे सिनेरसिक आणि पार्टीमध्ये सामील झालेल्यांनी जल्लोष केला. परंतु, त्याने प्रेक्षकांच्या दिशेने अश्लील हातवारे केले होते. यासंबंधीचा व्हिडिओ सोशल मीडियावर व्हायरल झाला आहे. ही बाब गांभीर्याने घेत कब्बन पार्क पोलिसांनी तपास सुरू केला आहे. पोलिसांनी पब मॅनेजरची चौकशी करून माहिती जमा केली आहे. आर्यनने गैरवर्तन का केले, लोकांनी आरडाओरड केल्याने त्याने हे कृत्य केले असेल का, याची माहिती गोळा केली जात आहे. जर गैरवर्तन केल्याचे सिद्ध झाले तर कारवाई करण्याचा निर्णय पोलिसांनी घेतला आहे.