मुख्यमंत्री शनिवारी बेळगाव दौऱ्यावर

सुपरस्पेशालिटी हॉस्पिटलचे करणार उद्घाटन

बेळगाव : मुख्यमंत्री सिद्धरामय्या हे शनिवार दि. 4 ऑक्टोबर रोजी बेळगाव दौऱ्यावर येत आहेत. सिव्हिल हॉस्पिटलच्या आवारातील सुपरस्पेशालिटी हॉस्पिटलच्या उद्घाटन कार्यक्रमात भाग घेण्यासाठी मुख्यमंत्री बेळगावला येत आहेत. शनिवारी सकाळी 11.30 वा. सांबरा विमानतळावर मुख्यमंत्र्यांचे विशेष विमानाने आगमन होणार आहे. दुपारी 12.15 वा. सुपरस्पेशालिटी हॉस्पिटलचे उद्घाटन व डॉक्टरांच्या वसतीगृह उभारणी कामाचा कोनशिला समारंभ होणार आहे. स्मार्ट सिटी अनुदानातून उभारलेल्या शहर बसस्थानकाचे मुख्यमंत्र्यांच्या हस्ते उद्घाटन होणार आहे. राणी चन्नम्मा विद्यापीठाच्या हिरेबागेवाडी कॅम्पसमधील विविध कामांना सिव्हिल हॉस्पिटल आवारातच मुख्यमंत्री चालना देणार आहेत. दुपारी 2.15 वा. मुख्यमंत्री सरकारी विश्रामधाम येथे जाणार आहेत. सायं. 4.40 वा. विशेष विमानाने ते बेंगळूरला जाणार आहेत.