मुख्यमंत्री सिद्धरामय्या रविवारी बेळगाव दौऱ्यावर

बेळगाव : मुख्यमंत्री सिद्धरामय्या हे रविवार दि. 13 ऑक्टोबर रोजी बेळगाव जिल्हा दौऱ्यावर येत आहेत. सौंदत्ती येथील श्री रेणुका यल्लम्मा देवीचे दर्शन घेऊन डोंगरावरील विविध विकासकामांना चालना देणार आहेत. रविवारी दुपारी विशेष विमानाने हुबळी विमानतळावर मुख्यमंत्र्यांचे आगमन होणार असून 1.25 वा. ते सौंदत्तीला पोहोचणार आहेत. जिल्हा प्रशासन, पर्यटन खात्याच्यावतीने डोंगरावर राबविलेल्या विकासकामांना चालना देणार आहेत. तत्पूर्वी ते देवीचे दर्शन घेणार आहेत. त्यानंतर दुपारी 3.30 च्या सुमारास सौंदत्तीहून धारवाडला रवाना होणार आहेत.