जानेवारी किंवा फेब्रुवारीत मुख्यमंत्री बदल : अजय सिंग

बेंगळूर : मुख्यमंत्री सिद्धरामय्या आणि उपमुख्यमंत्री डी. के. शिवकुमार यांनी राज्यात मुख्यमंत्री बदलाच्या मुद्द्यावरून निर्माण झालेल्या गोंधळाला ‘ब्रेक’ लावला आहे. असे असताना आता आमदार अजय सिंग यांनी जानेवारी किंवा फेब्रुवारीमध्ये मुख्यमंत्री बदल होणार असल्याचा गौप्यस्फोट केला आहे. सोमवारी बेंगळूरच्या केम्पेगौडा विमानतळावर पत्रकारांशी बोलताना त्यांनी, मुख्यमंत्री बदलाची चर्चा जानेवारी किंवा फेब्रुवारीमध्ये होऊ शकते. सर्व काही हायकमांडच्या हातात आहे. रविवारी सोनिया, राहुल गांधी आणि खर्गे यांनी बैठक घेतली. ते सर्वजण मिळून योग्य निर्णय घेतील. ते पुन्हा बैठक घेऊन चर्चा करतील, असे ते म्हणाले.