चंदन साकारणार क्रिकेटपटूची भूमिका

पंचायत’फेम अभिनेता

एखाद्या प्रोजेक्टचे यश कलाकारासाठी पुढील मार्ग प्रशस्त करत असते. 2020 मध्ये प्रदर्शित वेबसीरिज ‘पंचायत’मधील अभिनेता चंदन रायसोबत असेच घडले आहे. चंदनने यात विकास ही भूमिका साकारली होती. आता चंदनकडे पंचायतच्या तिसऱ्या सीझनसोबत अनेक प्रोजेक्ट्स देखील आहेत. यात दोन वेबसीरिज आणि एक चित्रपट सामील आहे.

पंचायत 3 नंतर मी भाई ब्रो कामरेड या सीरिजमध्ये दिसून येणार आहे. ही 6 एपिसोड्स असलेली सिटकाम वेबसीरिज असून याचे दिग्दर्शन रोहन सिप्पी यांनी केले आहे. यात तीन मित्रांची कहाणी दर्शविण्यात येणार आहे. यात मी डाव्या विचारसरणीच्या व्यक्तीची भूमिका साकारत आहे.  यानंतर आणखी एक वेबसीरिज ‘मिस्टर सक्सेना’मध्ये मी काम करणार असल्याचे चंदनने सांगितले आहे.

‘मिस्टर सक्सेना’ सीरिजमध्ये जिम्मी शेरगिल मुख्य भूमिकेत आहेत. यात मी एका क्रिकेटपटूची भूमिका साकारणार आहे. याचबरोबर ‘मजनू सैलून’ चित्रपटात काम केले आहे. ही एका छोट्या शहराची कहाणी असून यात माझी मुख्य भूमिका आहे. हा चित्रपट चित्रपटगृहांमध्ये प्रदर्शित करण्याची आमची योजना असल्याचे चंदनने सांगितले आहे.