चैतन्यची राज्य स्पर्धेसाठी निवड

हलशी : बेळगाव येथील जिल्हा क्रीडांगणावर नुकत्याच सार्वजनिक शिक्षण खात्यातर्फे घेण्यात आलेल्या माध्यमिक शाळा जिल्हास्तरीय क्रीडा स्पर्धेत चैतन्य मजगांवकरची राज्य स्पर्धेसाठी निवड झाली आहे. श्री चांगळेश्वरी शिक्षण मंडळ संचलित गणेबैल हायस्कूलचा विद्यार्थी चैतन्य पुंडलिक मजगांवकरने उंचउडी या क्रीडा प्रकारात द्वितीय क्रमांक मिळविला असून, त्याची आता कोलार येथे होणाऱ्या राज्यस्तरीय स्पर्धेसाठी निवड झाली आहे. या विद्यार्थ्याला कार्यक्रमास्थळी प्रमाणपत्र देऊन सन्मानित करण्यात आले. त्याला संस्थेचे संस्थापक वाय. एन. मजुकर, सचिव प्रसाद मजुकर, शाळेचे मुख्याध्यापक आर. बी. पाटील व क्रीडाशिक्षक के. आर. पाटील यांचे मार्गदर्शन लाभले.