सेंट्रल हायस्कूलचा पालक मेळावा उत्साहात

प्रतिनिधी/ बेळगाव

मराठा मंडळ सेंट्रल हायस्कूलच्या दहावी विद्यार्थ्यांचा पालक मेळावा उत्साहात पार पडला. अध्यक्षस्थानी मुख्याध्यापक बी. एम. पाटील होते. व्यासपीठावर प्रमुख पाहुणे म्हणून प्राचार्य एस. एस. पाटील, डॉ. ऋतुराज चौगुले, संदीप मालाई, गावडू पाटील, जयश्री चोपडे, डी. टी. सावंत, पी. बी. मास्तीहोळी आदी उपस्थित होते.

प्रारंभी सरस्वती पूजन, ईशस्तवन झाले. प्रास्ताविक डी. टी. सावंत यांनी केले. ओळख पी. बी. मास्तीहोळी यांनी करून दिली. यावेळी सहामाही परीक्षेत अधिक गुण घेऊन उत्तीर्ण झालेल्या पहिल्या पाच विद्यार्थ्यांचा सत्कार करण्यात आला. यावेळी प्राचार्य एस. एस. पाटील म्हणाले, विद्यार्थ्यांनी दहावीनंतर आपल्या आवडत्या शाखेची निवड करावी आणि त्यामध्ये स्वत:ला झोकून देऊन अभ्यास करावा.

याप्रसंगी पालक, विद्यार्थी, शिक्षकवर्ग, कर्मचारी उपस्थित होते. सूत्रसंचालन एम. के. पाटील यांनी केले. आभार एम. एम. कणबरकर यांनी मानले.