सीडीएस चौहान यांची सैनिकांसोबत दिवाळी

वृत्तसंस्था/ नवी दिल्ली

पंतप्रधान झाल्यापासून नरेंद्र मोदी दरवषी सैनिकांसोबत दिवाळीचा सण साजरा करतात. पंतप्रधानांच्या या पावलानंतर देशातील सर्वोच्च संरक्षण अधिकारीही देशभरात वेगवेगळ्या ठिकाणी सैनिकांसोबत दिवाळी साजरी करणार आहेत.

चीफ ऑफ डिफेन्स स्टाफ (सीडीएस) जनरल अनिल चौहान पोर्ट ब्लेअरमध्ये अंदमान आणि निकोबारमध्ये तैनात असलेल्या सैनिकांसोबत दिवाळी साजरी करत आहेत. या भेटीमध्ये त्यांनी येथे झालेल्या महोत्सवातही सहभाग घेतला. लष्करप्रमुख जनरल उपेंद्र द्विवेदी अऊणाचल प्रदेशमध्ये सैनिकांसोबत दिवाळी साजरी करणार आहेत. संरक्षणमंत्री राजनाथ सिंह यांच्यासोबत ते अरुणाचलमध्ये पोहोचले आहेत. नौदल प्रमुख अॅडमिरल दिनेश त्रिपाठी गुजरातमधील पोरबंदर येथे नौदलाच्या जवानांसोबत उत्सव साजरा करतील. भारतीय हवाई दलाचे प्रमुख एअर चीफ मार्शल ए. पी. सिंग जम्मू-काश्मीरमधील जवानांसोबत हा सण साजरा करणार आहेत.