सावगावनजीक कार उलटली; प्रवासी किरकोळ जखमी

बेळगाव : भरधाव कार रस्त्याशेजारी कलंडल्याची घटना बेनकनहळ्ळी-सावगाव रस्त्यावर घडली. या घटनेत कारमधील लोक किरकोळ जखमी झाले असून केवळ सुदैवाने प्राणहानी झाली नाही. रविवारी ही घटना घडली. या घटनेची माहिती समजताच काँग्रेस नेते मृणाल हेब्बाळकर यांनी घटनास्थळी भेट देऊन अपघातातील जखमींची विचारपूस केली. तसेच या घटनेची माहिती घेतली. ज्या ओढ्याजवळ घटना घडली होती, त्या परिसरात अपघात रोखण्यासाठी उपाययोजना करण्याची सूचना त्यांनी सार्वजनिक बांधकाम खात्याच्या अधिकाऱ्यांना केली.