मोदेकोप येथील भावा-बहिणीची राज्य कुस्ती स्पर्धेसाठी निवड

खानापूर : तालुक्यातील मोदेकोप येथील पार्थ गावडे आणि भक्ती गावडे या दोघा भावा-बहिणींची राज्य कुस्ती स्पर्धेसाठी निवड झाली आहे. 1 ऑक्टोबरपासून रामनगर-बेंगलोर येथे होणाऱ्या राज्यस्तरीय स्पर्धेत भाग घेणार आहेत. नुकताच बेळगाव येथे शिक्षण खात्याकडून घेण्यात आलेल्या जिल्हास्तरीय कुस्ती स्पर्धेत भक्ती गावडे हिने 43 वजनी किलोगटात बेळगाव जिल्हास्तरीय सुवर्णपदक पटकाविले असून तिची राज्यस्तरीय स्पर्धेसाठी निवड झाली आहे. तर पार्थ मनोहर गावडे यांने 35 किलोवजनी गटात कास्यंपदक मिळविले असून त्याचीही राज्यस्तरीय स्पर्धेसाठी निवड झाली आहे. या दोघानाही बेळगाव येथील कुस्ती कोच मारुती घाडी यांचे मार्गदर्शन लाभले आहे. तसेच शाळेचे मुख्याध्यापक आणि शिक्षक वर्गांचे मार्गदर्शन लाभले आहे.