बीपीएल निमंत्रितांची बॅडमिंटन स्पर्धा आजपासून
12 संघांचा सहभाग, साखळी पद्धतीचे सामन्यांचे आयोजन
बेळगाव : बेळगाव जिल्हा शटल बॅडमिंटन व सोमशेखर खडबडी आयोजित तिसऱ्या बीपीएल निमंत्रितांची बॅडमिंटन स्पर्धा शनिवार दि. 28 पासून महाबळेश्वरनगर येथील बीडीबीएच्या बॅडमिंटन सभागृहात आयोजित करण्यात आली आहे. या स्पर्धेत नामांकित खेळाडू सहभागी होणार असल्याची माहिती सोमशेखर खडबडी यांनी पत्रकार परिषदेत दिली. महाबळेश्वरनगर येथील बीडीबीएच्या सभागृहात आयोजित केलेल्या पत्रकार परिषदेमध्ये ते बोलत होते. यावेळी साईनाथ मोहीते, ए. बी. मंथेरो, नौशाद बिजापूर, डॉ. दीपा मगदूम, कुमार ढवळी व विनय असुंडी उपस्थित होते.
सदर स्पर्धा सध्याची पिडी मोबाईल व इतर व्यसनामध्ये भरकटत असून व्यायामाकडे दुर्लक्ष करत आहे. अशा तरुणांना आपले शरीर सुदृढ व निरोगी राहण्यासाठी बीडीबीएने या स्पर्धांचे आयोजन केले आहे. जवळपास 11 संघांनी भाग घेतला असून बीपीएल स्टार्स, स्मॅश मास्टर, संकेश्वर रायडर्स, हिताची वॉरियर्स, रॅपटॉर्स, बीडीबीए मास्टर, फेदर फाटर्स, मास्टर ब्लास्टर, रॉयल रायडर्स, शटल स्मॅचर, चिकोडी चिटस आदी संघांनी यामध्ये भाग घेतला असून हे संघ तीन गटात विभागले असून साखळी पद्धतीने सामने खेळविले जातील. अव्वल गुण मिळविणारा संघ उपांत्य फेरीत प्रवेश मिळविणार आहे. जवळपास 100 खेळाडूंचा या स्पर्धेत सहभाग असून दोन दिवस चालणाऱ्या या स्पर्धेत रविवार दि. 29 रोजी बक्षीस वितरण होणार आहे.