Kolhapur News : सादळे घाटातील भीषण अपघातात दुचाकीस्वाराचा मृत्यू

                       सादळे घाटातील भीषण अपघातात दुचाकीस्वाराचा मृत्यू

पुलाची शिरोली : नारायण खोत हे पेठ बडगाव येथील मार्केटमध्ये हमालीचे काम करत होते. रविवारी सकाळी ते कामासाठी गेले होते. दिवसभर काम करून सायंकाळी पाचच्या सुमारास ते कासारवाडी मार्गे निकमवाडी येथे परतत होते.

सादळे घाटातील जुन्या जेनिसिस कॉलेजच्या पाठीमागील वळणावर पोहोचताच घोटवडेहून माल उतरुन सादळेमार्गे टोपच्या दिशेने येणाऱ्या टेम्पोने त्यांच्या दुचाकीला समोरून जोराची धडक दिली.

या धडकेत त्यांच्या डोक्याला गंभीर दुखापत सादळे घाटात टेम्पोच्या धडकेत होऊन त्यांचा जागीच मृत्यू झाला. दुचाकीस्वाराचा मृत्यू झाला.नारायणसदाशिव खोत (वय ४०,निकमवाडी ता. पन्हाळा) असे मृताचे नाव आहे.

अपघातानंतर टेम्पो चालक बाहन घेऊन पसार होऊ लागला; मात्र पाठिमागून येणाऱ्या नागरिकांनी पाठलाग करून कासारवाडी येथे टेम्पो अडविला. दरम्यान, मृत नारायण खोत यांची बहिण कासारबाडी येथे असल्याने घटनेची माहिती मिळताच नातेवाईकांनी घटनास्थळी धाव घेतली.

अपघाताची माहिती मिळताच शिरोली एमआयडीसी पोलीस ठाण्याचे स.पो.नि. सुनील गायकवाड पथकासह घटनास्थळी दाखल झाले. पोलिसांनी पंचनामा करून मृतदेह उत्तरीय तपासणीसाठी सरकारी रुग्णालयात पाठविला.