हरियाणा स्टीलर्सचा मोठा विजय

वृत्तसंस्था/ नोएडा

2024 च्या प्रो-कबड्डी लीग स्पर्धेतील खेळविण्यात आलेल्या सामन्यात अष्टपैलू कामगिरीच्या जोरावर हरियाणा स्टिलर्सने जयपूर पिंक पँथर्सचा 43-30 अशा 13 गुणांच्या फरकाने दणदणीत पराभव केला.

या सामन्यात हरियाणा स्टीलर्सतर्फे शिवम पठारे आणि विनय यांनी सुपर 10 गुण मिळविले. तर नवीन व मोहम्मेडेझा शदलोई यांच्या भक्कम बचावाने हरियाणा स्टीलर्सने गुण वसुल करण्यास प्रारंभ केला. अर्जुन देसवालने सुपर 10 गुण नोंदविले. सामन्याच्या मध्यंतरापर्यंत हरियाणा स्टीलर्सने जयपूर पिंक पँथर्सवर 22-12 अशा 10 गुणांची भक्कम आघाडी घेतली.

या सामन्यात उत्तरार्धात हरियाणा स्टीलर्सने शेवटपर्यंत आपले वर्चस्व राखल्याने हरियाणा स्टीलर्सने दुसऱ्यांदा जयपूर पिंक पँथर्सचे सर्व गडी बाद केले. या कामगिरीमुळे हरियाणा स्टीलर्सने 15 गुणांची आघाडी जयपूर पिंक पँथर्सवर मिळवली. शिवम पाठारेच्या शानदार खेळीमुळे सुपर 10 गुण मिळाले. अखेर हरियाणा स्टीलर्सने जयपूर पिंक पँथर्सचा 13 गुणांच्या फरकाने पराभव केला. या विजयामुळे हरियाणा स्टीलर्सने स्पर्धेच्या गुणतालिकेत आघाडीचे स्थान मिळविताना 8 गुण नोंदविले आहेत.