बेनसन, रिना, विजेते

कोची : रविवारी येथे झालेल्या 2024 च्या कोची स्पाईस कोस्ट मॅरेथॉनमध्ये केरळच्या सी.बी. बेनसनने पुरुष विभागातील तर रिना मनोहरने महिलांच्या विभागातील विजेतेपद मिळविले.42.2 कि.मी. पल्याच्या या मॅरेथॉनमध्ये बेनसनने 3 तास 00.42 सेकंदाचा अवधी घेत विजेतेपद पटकाविले. गेल्या दोन स्पर्धांमध्ये बेनसनला उपविजेतेपदावर समाधान मानावे लागले होते. जस्टिनने दुसरे तर श्रीनिधी श्रीकुमारने तिसरे स्थान मिळविले. महिलांच्या विभागात रिना मनोहरने 04.50.06 अवधी नोंदवित अजिंक्यपद पटकाविले. मेरी जोशेने दुसरे तर निलिना बाबूने तिसरे स्थान पटकाविले. हाफ मॅरेथॉनमध्ये के. एम. साजितने सलग तिसऱ्यांदा जेतेपद मिळवून हॅट्ट्रीक साधली. महिलांच्या विभागात ए. के. रमाने विजेतेपद तसेच जेसिना खानीने दुसरे आणि बिस्मा  ऑगेस्टिनने तिसरे स्थान पटकाविले.