बीडीएचएचा आयटीसी बंगळुरूवर मोठा विजय

बेळगाव : बेंगळुरू,येथे बेळगाव जिल्हा हॉकी संघटना (बीडीएचए) संघाने सी डिव्हिजन हॉकी लीग स्पर्धेत आयटीसी बंगळुरूचा 10-0 असा दणदणीत पराभव करत उत्तम कामगिरी केली.बीडीएचएने संपूर्ण सामन्यात असाधारण आक्रमक ताकद दाखवली. या सामन्यात शशांक कुर्पेने  3 गोल,रितेश जाधवने 2 गोल, श्लोक मराठेने 2 गोल, अक्षय घाटगेने 1 गोल, मंजुनाथ नाईक व सागर बबली यानी प्रत्येकी 1 गोल केला. प्रशिक्षक  डॉ. गिरिजाशंकर सुरेश माने यांच्या गतिमान मार्गदर्शनाखाली संघ चमकत आहे.संघ व्यवस्थापक शाहबाज नाईक यांच्या भक्कम प्रशासकीय पाठिंब्यासह बीडीएचएचे अध्यक्ष धनंजय पटेल, उपाध्यक्ष साजिद शेख, सचिव साकिब बेपारी आणि कोषाध्यक्ष एन बी. नदाफ यांनी सर्व बीडीएचए सदस्यांसहनी,बेळगाव हॉकी  संघाचे त्यांच्या उत्कृष्ट कामगिरीबद्दल अभिनंदन करून विशेष कौतुक केले.