बेंगळूर ब्लास्टर्सचा सलग तिसरा विजय

वृत्तसंस्था/बेंगळूर

केएससीएच्या महाराजा चषक टी-20 क्रिकेट स्पर्धेतील येथे खेळविण्यात आलेल्या सामन्यात बेंगळूर ब्लास्टर्सने शिमोगा लायन्सचा 7 गड्यांनी दणदणीत पराभव करुन आपला सलग तिसरा विजय नोंदविला.

या सामन्यात प्रथम फलंदाजी करताना शिमोगा लायन्सने 20 षटकात 9 बाद 163 धावा जमविल्या. हार्दिक राजने 33 चेंडूत 69 तर धुरीने 15 चेंडूत 29 धावा जमविल्या. बेंगळूर ब्लास्टरतर्फे शुभांग हेगडे आणि कौशल यांनी प्रत्येकी 2 गडी बाद केले. त्यानंतर बेंगळूर ब्लास्टर्सने 17.2 षटकात 3 बाद 168 धावा जमवित आपला विजय नोंदविला. बेंगळूर ब्लास्टर संघातील भुवन राजूने 36 चेंडूत 59 तर मयांक अगरवालने 34 चेंडूत 42 तर चेतनने 12 चेंडूत 23 धावा झोडपल्या.

संक्षिप्त धावफलक: शिमोगा लायन्स 20 षटकात 9 बाद 163, बेंगळूर ब्लास्टर्स 17.2 षटकात 3 बाद 168