वक्तृत्व स्पर्धेत अस्मि मांजरेकर हिचा डंका

बांदा नट वाचनालयातर्फे तालुकास्तरीय स्पर्धेचे आयोजन

सावंतवाडी -

बांदा नट वाचनालयातर्फे आयोजित केलेल्या सावंतवाडी व दोडामार्ग तालुकास्तरीय वकृत्व स्पर्धेत आर .पी .डी हायस्कूल सावंतवाडीच्या अस्मि प्रवीण मांजरेकर हिने प्रथम क्रमांक प्राप्त केला. आडाळी येथील विष्णू नारायण गावकर यांनी विजयालक्ष्मी विष्णू गावकर व बिपीन विष्णू गावकर यांच्या स्मरणार्थ ही स्पर्धा पुरस्कृत केली होती. परीक्षक म्हणून गुरुनाथ नार्वेकर, चंद्रकांत सावंत यांनी काम पाहिले. अस्मि हिला यापुर्वीही अनेक स्पर्धेत पारितोषिक प्राप्त झाले आहे. माझा अविस्मरणीय प्रसंग या विषयावर तिने भाषण केले. अस्मीला तीची आई प्रा सुषमा मांजरेकर व शिक्षकांचे मार्गदर्शन लाभले. या उत्कृष्ट कामगिरीबद्दल अस्मि हिचे शिक्षण प्रसारक मंडळ सावंतवाडी अध्यक्ष श्री विकासभाई सावंत, सचिव श्री. व्ही. बी. नाईक, खजिनदार श्री. सी. एल. नाईक, शाळा समिती अध्यक्ष डॉ. दिनेश नागवेकर व सर्व संस्था सदस्य तसेच मुख्याध्यापक श्री. जे. व्ही. धोंड उपमुख्याध्यापक श्री.पी.एम.सावंत , पर्यवेक्षिका श्रीम. बी.आर.चौकेकर व उपप्राचार्य डॉ. सुमेधा नाईक यांनी अभिनंदन केले.