आशिया ट्रॉफी भारताचीच, निर्णय मात्र मोहसिन नक्वींचा

पीसीबीची क्रिकेट क्षेत्रात पुन्हा चर्चा

वृत्तसंस्था/ दुबई

आशियाई क्रिकेट परिषदेच्या मुख्यालयातून अबुधाबी येथील अज्ञात ठिकाणी ट्रॉफी हलवण्यात आल्यामुळे आशिया कप ट्रॉफीचा वाद वाढला आहे. 28 सप्टेंबर रोजी दुबईमध्ये पाकिस्तानवर पाच विकेटने विजय मिळवल्यानंतर भारताने पाकिस्तानचे गृहमंत्री आणि पाकिस्तान क्रिकेट बोर्डाचे प्रमुख मोहसिन नक्वी यांच्याकडून ट्रॉफी स्वीकारण्यास नकार दिल्याने वाद सुरू झाला. दोन्ही देशांमधील सीमापार तणावाच्या पार्श्वभूमीवर भारताने ही ट्रॉफी स्वीकारण्यास नकार दिला होता.

भारताच्या विजयानंतर बक्षीस वितरणाचा कार्यक्रम 90 मिनिटे उशिरा झाला, एका अधिकाऱ्याने स्पष्टीकरण न देता उंचावलेल्या व्यासपीठावरून ट्रॉफी काढून टाकली होती. बीसीसीआयच्या एका अधिकाऱ्याने अलिकडेच एसीसी मुख्यालयाला भेट दिली असता ट्रॉफीचा ठावठिकाण्याची माहिती मिळाली. त्याच्या ठिकाणाबद्दल विचारपूस केली असता, कर्मचाऱ्यांनी सांगितले की, ती अबू धाबीमध्ये मोहसिन नक्वीच्या ताब्यात आहे. काही दिवसांपूर्वी बीसीसीआयच्या एका अधिकाऱ्याने एसीसी मुख्यालयाला भेट दिली. एएनआयच्या एका सूत्राने सांगितले की ऑक्टोबरच्या सुरुवातीला, नक्वी यांनी ट्रॉफी परत करण्यासाठी अटी घातल्या होत्या. एसीसी मुख्यालयातून आशिया कप ट्रॉफी हलवली ते एसीसी कार्यालयात त्यांच्याकडून घ्यावे. नंतर त्यांनी भारताला आशिया कप 2025 ट्रॉफी सादर करण्यासाठी एक समारंभ आयोजित करण्याचा प्रस्ताव मांडला. बीसीसीआयने ट्रॉफी हस्तांतरित करण्याची विनंती केलेल्या औपचारिक पत्रानंतर, नक्वी यांनी आपली भूमिका कायम ठेवली आणि भारतीय खेळाडूने त्यांच्याकडून ट्रॉफी स्वीकारण्यासाठी समारंभात उपस्थित राहावे, असा आग्रह धरला. सप्टेंबरच्या अखेरीस परिस्थिती हाताळण्यासाठी एसीसीची बैठक झाली. अंतिम सामन्यानंतरच्या गोंधळाबद्दल नक्वी यांनी बीसीसीआयची माफी मागितल्याचे वृत्त समोर आले असले तरी, नंतर त्यांनी हे दावे फेटाळून लावले. एसीसीच्या बैठकीत ट्रॉफी भारताला देण्याबाबत कोणताही औपचारिक निर्णय झाला नाही, ज्यामुळे परिस्थिती अनिर्णित राहिली.