अॅपल ‘अवे ड्रॉपिंग’ 9 रोजी सादर होणार

आयफोन 17 आवृत्ती : 120 हर्ट्झ रिफ्रेश रेट डिस्प्लेसह बाजारात येणार

वृत्तसंस्था/ कॅलिफोर्निया

आयफोन निर्मितीमधील दिग्गज कंपनी अॅपल 9 सप्टेंबर रोजी वर्षातील सर्वात मोठा लाँचिंग कार्यक्रम आयोजित करणार आहे. यावेळी कार्यक्रमाची टॅगलाइन ‘अवे ड्रॉपिंग’ आहे, ज्याचा अर्थ ‘लोकांना धक्का देणारे आणि त्यांना प्रभावित करणारे काहीतरी’ बाजारात आणणार आहे. या कार्यक्रमात, कंपनी आयफोन 17 मालिकेतील चार मॉडेल सादर करू शकते-आयफोन 17, आयफोन 17 एअर, आयफोन 17 प्रो आणि आयफोन 17 प्रो मॅक्स. याशिवाय, कंपनी नवीन अॅपल वॉच आणि प्रगत एआय वैशिष्ट्यो लाँच करू शकते.

मिळालेल्या माहितीनुसार, भारतात मानक आयफोन 17 ची किंमत 79,900 रुपयांपासून सुरू होऊ शकते, जी त्यांच्या टॉप मॉडेल प्रो मॅक्ससाठी 1,64,900 रुपयांपर्यंत जाऊ शकते. तथापि, कंपनीने कार्यक्रमात लाँच होणाऱ्या उत्पादनांबद्दल माहिती दिलेली नाही.आयएसटीनुसार, हा कार्यक्रम मंगळवारी रात्री 10:30 वाजता अॅपल पार्क   कॅलिफोर्निया येथे सुरू होईल. हा इव्हेंट अॅपल टीव्हीवर तसेच कंपनीच्या वेबसाइटवर लाईव्ह पाहता येईल. कंपनी 2020 पासून प्री-रेकॉर्ड केलेला व्हिडिओ स्ट्रीम करत आहे.

आयफोन 17 ची वैशिष्ठ्यो

17 सिरीजच्या सर्व मॉडेल्समध्ये आयओएस 26, चांगले अॅपल इंटेलिजन्स आणि वायफाय 7 सपोर्ट राहणार आहे. ज्यामध्ये या बार ए19 चिप असेल. प्रो मॉडेल्सना अँटी-रिफ्लेक्टीव्ह डिस्प्ले आणि एक लहान डायनॅमिक आयलंड मिळू शकतो. यात 8 एक्स झूम आणि व्हेपर चेंबर कूलिंग सिस्टमसह 48 एमपी ट्रिपल कॅमेरा सेटअप मिळेल. बेस मॉडेल आयफोन 17 मध्ये 6.3-इंच 120 एचझेड प्रो मोशन एलटीपीओ ओल्ड डिस्प्ले असेल, जो पूर्वी फक्त प्रो मॉडेल्सवर उपलब्ध होता. त्याच वेळी, आयफोन 17 एअरमध्ये 6.25 मिमी पातळ मॉडेल असेल, जो प्लसची जागा घेईल.