‘अंत्योदय’ महिलांना मिळणार रेशन दुकानात मोफत साडी!

जिह्यातील सुमारे 85 हजार कुटूंबांना होणार लाभ; वर्षातून एकदा सणानिमित्त मिळणार भेटराज्य सरकारची योजना

कोल्हापूर प्रवीण देसाई

अंत्योदय रेशनकार्डधारक कुटूंबातील एका महिलेला रेशन दुकानातून मोफत साडी देण्याची महत्वपूर्ण योजना सुरू करण्यात आली आहे. याबाबतचा निर्णय राज्य सरकारने नुकताच घेतला आहे. वर्षातून एकदा सणानिमित्त ही साडी देण्यात येणार आहे. या योजनेचा जिह्यातील सुमारे 85 हजार 200 रेशनकार्डधारक कुटूंबांना लाभ होणार आहे. याची वितरणाची जबाबदारी जिह्यातील 1657 रेशन दुकानदारांवर राहणार आहे.

राज्य सरकारने राज्याचे ‘एकात्मिक व शाश्वत वस्त्रोद्योग धोरण 2023-28’ जाहीर केले आहे. या धोरणानुसार वस्त्रोद्योग विभागामार्फत यंत्रमागावर विणलेली एक साडी अंत्योदय रेशनकार्डधारक कुटुंबाला मोफत वाटप करण्यात येणार आहे. या साडीचे वितरण हे रेशन दुकानांमधून होईल. या योजनेसाठी महाराष्ट्र राज्य यंत्रमाग महामंडळ, नवी मुंबई या संस्थेला नोडल संस्था म्हणून नेमणूक करण्यात आली आहे. या संस्थेने त्यांच्याकडे नोंदणी असलेल्या यंत्रमाग सहकारी संस्था, तसेच सुक्ष्म, लघु व मध्यम उद्योगांतर्गत नेंदणीकृत घटकांकडून निर्धारित केलेले तांत्रिक निकष विचारात घेऊन साडेचे उत्पादन करायचे आहे. या साडीचे वितरण कोणत्या सणाला करायचे हे सरकारकडून निश्चित केले जाणार आहे. या साडीचे वितरण करण्यापूर्वी त्यांचे शासन मान्यताप्राप्त प्रयोगशाळेतून तपासणी कऊन घेण्याची जबाबदारी महामंडळावर राहणार आहे. तसेच अन्न, नागरी पुरवठा व ग्राहक संरक्षण विभागाने रेशन दुकाननिहाय अंत्योदय रेशनकार्डधारक कुटूंबांची यादी महामंडळाला उपलब्ध कऊन द्यायची आहे. त्यानुसार साड्या रेशन दुकानाच्या नावानुसार तालुकास्तरावरील गोदामापर्यंत महामंडळाकडून पोहोचविल्या जाणार आहेत. त्यानंतर साडी वाटप व त्यावर देखरेख करण्याची जबाबदारी ही अन्न, नागरी पुरवठा व ग्राहक संरक्षण विभागावर राहणार आहे. त्यांनी याबाबतचा अहवाल 15 दिवसात वस्त्रोद्योग विभागाला सादर करायचा आहे. या योजनेमुळे अंत्योदय कुटूंबातील महिलेला वर्षातून एकदा सणानिमित्त साडी मिळणार आहे. सरकारने घेतलेला हा निर्णय स्वागतार्हच म्हणावा लागेल.

जिह्यातील अंत्योदय रेशनकार्डधारक व दुकानदारांची संख्या
तालुका             अंत्योदय रेशनकार्डधारक कुटुंब रेशन दुकाने
आजरा                29318                                           87
भुदरगड             33404                                            96
चंदगड               37100                                          140
गडहिंग्लज          47396                                            97
गगनबावडा         6836                                              30
हातकणंगले        100315                                        150
इचलकरंजी        75226                                           103
कागल               57402                                           103
करवीर              91044                                           160

कोल्हापूर शहर       149919                                   163
पन्हाळा                  53594                                    128
राधानगरी               43500                                    126
शाहुवाडी                39585                                    135
शिरोळ                   85561                                    139
------------------
एकूण                   850200                                  1657
-------------------
अंत्योदय रेशनकार्डधारक कुटूंबाला दरवर्षी एक साडी मोफत देण्याची योजना राज्य सरकारकडून सुऊ करण्यात आली आहे. याबाबतचा शासन निर्णय झाला आहे. या योजनेसंदर्भात जे मार्गदर्शन राज्य सरकारकडून येईल. त्यानुसार पुढील कार्यवाही केली जाईल.
मोहिनी चव्हाण, जिल्हा पुरवठा अधिकारी, कोल्हापूर