मनपा कर्मचाऱ्यांना भ्रष्टाचारविरोधी शपथ

बेळगाव : महानगरपालिकेच्या कर्मचाऱ्यांना सोमवारी भ्रष्टाचारविरोधी शपथ देण्यात आली. कौन्सिल सभागृहात महापालिकेच्या कर्मचाऱ्यांना अधिकाऱ्यांच्या उपस्थितीत शपथ दिली. नूतन आयुक्त शुभा बी., कौन्सिल सेक्रेटरी उदयकुमार तळवार, अभियंता लक्ष्मी निपाणीकर यांच्या उपस्थितीत हा कार्यक्रम घेण्यात आला. याचबरोबर कोनवाळ गल्ली येथील उपकार्यालयातही कर्मचाऱ्यांना भ्रष्टाचारविरोधी शपथ देण्यात आली. कोणत्याही सरकारी कामाकरिता नागरिकांकडून पैसे घेऊ नयेत, अशी शपथ मनपा कर्मचाऱ्यांना देण्यात आली.