शेअर बाजाराचा पुन्हा नवा विक्रम
सेन्सेक्स व निफ्टीची दिवसागणिक एक पायरी मजबूत : मारुतीचे समभाग 5 टक्क्यांनी वधारले
वृत्तसंस्था/मुंबई
भारतीय भांडवली बाजारात चालू आठवड्यातील चौथ्या सत्रात गुरुवारी मजबूत कामगिरी करत सेन्सेक्स आणि निफ्टी यांनी नवा विक्रम प्राप्त केला आहे. यामध्ये दिवसभराच्या कामगिरीत सेन्सेक्स 666 अंकांनी वधारला आहे. तर निफ्टी 26,200 च्या वर बंद झाल्याचे दिसून आले. दिग्गज कंपन्यांच्या मदतीने सेन्सेक्सच्या 30 समभागांपैकी 28 समभाग वधारले आहेत. यामध्ये मारुतीने जवळपास 5 टक्क्यांनी उसळी घेतली.
भारतीय शेअर बाजार सातत्याने नवनवीन उंची गाठत आहे. बेंचमार्क निर्देशांक बीएसई सेन्सेक्स आणि एनएसई निफ्टी 50 ने गुरुवारी नवीन सर्वकालीन उच्चांक गाठला, आशियाई बाजारातील मजबूत स्थितीमुळे वाहन आणि धातू यांच्या समभागांमधील खरेदीमुळे इंट्रा-डे ट्रेडमध्ये एक क्षणी सेन्सेक्स 86,000 च्या पातळीपासून केवळ 70 अंकांनी मागे राहिला होता.
बीएसईच्या 30 समभागांच्या मदतीने सेन्सेक्स दिवसअखेर 666.25 अंकांनी मजबूत होत निर्देशांक 0.78 टक्क्यांसह 85,836.12 वर बंद झाला. इंट्राडे ट्रेड दरम्यान निर्देशांक 86,000 वरून फक्त 70 अंकांनी घसरून 85,930.43 चा नवीन उच्चांक गाठला. दुसरीकडे, एनएसई निफ्टी 211.90 अंकांच्या तेजीसोबत निर्देशांक 0.81 टक्क्यांनी वाढून 26,216.05 च्या विक्रमी उच्चांकावर बंद झाला. सेन्सेक्सप्रमाणेच, निर्देशांकानेही इंट्राडे ट्रेड दरम्यान 26,250.90 च्या सर्वकालीन उच्चांकाला स्पर्श केला.
सेन्सेक्समध्ये 30 समभागांपैकी 28 समभाग वधारले आहेत. यामध्ये मारुतीने जवळपास 5 टक्क्यांनी उसळी घेतली. टाटा मोटर्स, महिंद्रा अॅण्ड महिंद्रा, बजाज फिनसर्व्ह आणि टाटा स्टील हे तेजीत पहिल्या पाचमध्ये राहिले. याशिवाय, जेएसडब्ल्यू स्टील, अल्ट्राटेक सिमेंट, बजाज फायनान्स, नेस्ले इंडिया, सन फार्मा, हिंदुस्थान युनिलिव्हर, अदानी पोर्ट्स, एसबीआय, एशियन पेंट्स, आयटीसी, इंडसइंड बँक, अॅक्सिस बँक, आयसीआयसीआय बँक, भारती एअरटेल, टायटन, रिलायन्स, पॉवर ग्रिड, टेक शेअर्स महिंद्रा, टीसीएस, कोटक बँक, एचडीएफसी बँक, इन्फोसिस आणि एचसीएल टेकचे समभागही वधारले.
अन्य कंपन्यांमध्ये सेन्सेक्समधील 30 समभागांपैकी फक्त 2 समभाग प्रभावीत राहिले आहे. निफ्टी50 मधील 50 पैकी 41 समभाग तेजीत राहिले. याच्या विरुद्ध बाजूला सिप्ला, ओएनजीसी, लार्सन अँड टुब्रो, हीरो मोटोकॉर्प आणि एनटीपीसी 1.47 टक्क्यांपर्यंत घसरून बंद झाले. जागतिक बाजारात सोल, टोकियो, शांघाय आणि हाँगकाँगमधील एक्सचेंजेस लक्षणीय वाढीसह बंद झाल्यामुळे आशियाई बाजारांमध्ये मजबूत व्यापार सत्र होते. युरोपियन बाजार तेजीत व्यवहार करत होते. बुधवारी यूएस बाजार मुख्यत: कमी बंद झाले.
समभाग वधारलेल्या कंपन्या
- मारुती सुझुकी 13384
- टाटा मोटर्स 993
- महिंद्रा अॅण्ड महिंद्रा 3180
- बजाज फिनसर्व्ह 1982
- टाटा स्टील 165
- जेएसडब्लू स्टील 1003
- नेस्ले 2742
- अल्ट्राटेक सिमेंट 12049
- बजाज फायनान्स 7768
- सनफार्मा 1898
- हिंदुस्थान युनि 2985
- स्टेट बँक 801
- विप्रो 541
- एशियन पेन्टस 3277
- आयटीसी 522
- अॅक्सिस बँक 1276
- भारती एअरटेल 1769
- आयसीआयसीआय 1330
- टायटन 3757
- रिलायन्स इंडस्ट्रीज 3000
- टीसीएस 4291
- टेक महिंद्रा 1608
- कोटक महिंद्रा 1902
- इन्फोसिस 1899
- एचसीएल टेक 1783
- वेदान्ता 501
- आयशर मोटर्स 4975
- बजाज ऑटो 12607
- टाटा पॉवर 475
- अंबुजा सिमेंट 622
- अदानी पोर्ट 1472
- ब्रिटानिया 6239
- अशोक लेलँड 241
समभाग घसरलेल्या कंपन्या
- लार्सन अॅण्ड टुब्रो 3761
- एनटीपीसी 434
- हॅवेल्स इंडिया 2021
- सिमेन्स 7052
- सिल्पा 1621
- ओएनजीसी 295
- हिरोमोटो 6049
- झोमॅटो 283