अॅक्शन-ड्रामा चित्रपटात अनिल कपूर

ओटीटीवर प्रदर्शित होणार चित्रपट

चित्रपटसृष्टीतील सुपरस्टार अनिल कपूर लवकरच ‘सुबेदार’ या चित्रपटात दिसून येणार आहे. या चित्रपटाचे चित्रिकरण सुरू झाले आहे. अॅक्शन-ड्रामा धाटणीच्या या चित्रपटात अनिल कपूर मुख्य भूमिकेतत आहे. चित्रपटाचे दिग्दर्शन सुरेश त्रिवेणी करत आहे. त्याने यापूर्वी ‘जलसा’ आणि ‘तुम्हारी सुलु यासारखे यशस्वी चित्रपट दिले आहेत.

सुबेदार या चित्रपटाचे पोस्टर शेअर करत निर्मात्यांनी याचे चित्रिकरण सुरू झाल्याची घोषणा केली आहे. याचबरोबर निर्मात्यांनी अनिल कपूरचा लुकही शेअर केला आहे. चित्रपटात अनिल कपूरसोबत राधिका मदान मुख्य भूमिकेत आहे. यात ती अनिल कपूरच्या मुलीची भूमिका साकारत आहे.

या चित्रपटात सुबेदार अर्जुन मौर्य यांची कहाणी दाखविण्यात येणार आहे. देशासाठी एकेकाळी लढणाऱ्या सैनिकाला स्वत:चे घर आणि परिवाराच्या रक्षणासाठी अंतर्गत शत्रूंशी लढावे लागत असल्याचे दाखविण्यात आले आहे. या चित्रपटाची निर्मिती विक्रम मल्होत्रा, अनिल कपूर आणि सुरेश त्रिवणी यांच्याकडून करण्यात येत आहे हा चित्रपट ओटीटीवर प्रदर्शित होणार आहे.