आंद्रे रसेल आयपीएलमधून निवृत्त

वृत्तसंस्था/ कोलकाता

विंडिजचा अष्टपैलू आंद्रे रसेलने आयपीएल क्रिकेट स्पर्धेतून निवृत्तीची घोषणा रविवारी केली. आता तो कोलकाता नाईट रायडर्स संघाच्या प्रशिक्षक वर्गामध्ये दाखल होणार आहे.

आयपीएल क्रिकेट स्पर्धेच्या 2026 च्या हंगामासाठी क्रिकेटपटूंचा लिलाव 16 डिसेंबर रोजी होणार आहे. तत्पूर्वी 37 वर्षीय रसेलने आयपीएलमधून आपल्या निवृत्तीची घोषणा केली. 2014 साली तो कोलकाता नाईट रायडर्स संघामध्ये दाखल झाला होता. कोलकाता नाईट रायडर्सने आतापर्यंत 3 वेळा आयपीएल स्पर्धा जिंकली आहे. रसेलने आयपीएलच्या 12 हंगामात दर्जेदार कामगिरी केली आहे. त्याने या स्पर्धेत 140 सामन्यात 12 अर्धशतकांसह 2651 धावा जमविल्या असून गोलंदाजीत त्याने 123 गडी बाद केले आहेत. 2026 च्या आयपीएल स्पर्धेत रसेल आता खेळाडूऐवजी प्रशिक्षकाची नवी भूमिका निभावणार आहे.