अमिताभ कांत यांचा जी20 शेर्पा पदाचा राजीनामा

45 वर्षांच्या सर्वाजनिक सेवेतून राजीनामा

वृत्तसंस्था/ नवी दिल्ली 

भारताचे जी20 शेर्पा आणि नीती आयोगाचे माजी सीईओ अमिताभ कांत यांनी सोमवारी सार्वजनिक सेवेतून राजीनामा देण्याची घोषणा केली, ज्यामुळे त्यांची 45 वर्षांची सरकारी कारकीर्द समाप्त झाली आहे. यावेळी कांत म्हणाले की, ‘सरकारी सेवेत 45 वर्षांच्या समर्पित भूमिकेनंतर, मी जीवनात नवीन संधी स्वीकारण्याचा आणि पुढे जाण्याचा निर्णय घेतला आहे. मी भारताच्या पंतप्रधानांचा अत्यंत आभारी आहे, ज्यांनी मला अनेक विकासात्मक उपक्रम पुढे नेण्याची संधी दिली आहे.’

2022 मध्ये जी20 शेर्पा ची स्थापना

2022 मध्ये अमिताभ कांत यांची जी20 शेर्पा म्हणून नियुक्ती करण्यात आली. 2023 मध्ये भारताच्या जी20 अध्यक्षपदाच्या काळात ही भूमिका खूप महत्त्वाची ठरली. त्यांच्या कार्यकाळात, त्यांनी नवी दिल्ली नेत्यांच्या घोषणेवर भू-राजकीय मतभेदांमध्ये एकमत निर्माण करण्यात सक्रिय भूमिका बजावली. त्यांनी भारताच्या जी20 अध्यक्षपदाचे वर्णन सर्वसमावेशक आणि विकेंद्रित असे केले, ज्या अंतर्गत देशभरातील राज्ये आणि केंद्रशासित प्रदेशांमध्ये बैठका घेतल्या जात होत्या. या काळात, भारताने आफ्रिकन युनियनला कायमस्वरूपी सदस्य बनवण्याचा जोरदार सल्ला दिला, जो नवी दिल्ली शिखर परिषदेत प्रत्यक्षात आला.