बेशिस्त पार्किंगमुळे अडकली रुग्णवाहिका

बेळगाव : बेशिस्त पार्किंग व वर्दळीमुळे रुग्णवाहिका तब्बल अर्धा तास रस्त्यावरच अडकून बसली. मंगळवारी रात्री पांगूळ गल्ली-भोई गल्ली परिसरात ही घटना घडली. पांगूळ-भोई गल्ली परिसरात दिवाळीच्या खरेदीसाठी सध्या गर्दी होत आहे. या परिसरातील रिक्षा स्टँडवर बंद अवस्थेतील रिक्षाही उभी केली आहे. याबरोबरच बेशिस्त पार्किंगमुळे नेहमी वाहतूक कोंडीचा सामना करावा लागत आहे. याचा फटका मंगळवारी एका रुग्णालाही बसला. पोलिसांनी परिसरातील वाहतुकीला शिस्त लावण्यासाठी प्रयत्न करण्याची मागणी होत आहे.