माणगावात उद्या आदित्य ठाकरेंची सभा

प्रतिनिधी/ माणगाव
कुडाळ-मालवण मतदार संघाचे शिवसेना (उद्धव बाळासाहेब ठाकरे) पक्षाचे आणि महाविकास आघाडीचे उमेदवार वैभव नाईक यांच्या प्रचारार्थ शिवसेना नेते व युवासेनाप्रमुख आदित्य ठाकरे १७ नोव्हेंबर रोजी सिंधुदुर्ग जिल्हा दौऱ्यावर येत आहेत. सायंकाळी ६ वाजता कुडाळ तालुक्यातील माणगाव बाजारपेठ येथे त्यांची जाहीर प्रचार सभा होणार आहे. तरी या सभेसाठी महाविकास आघाडीच्या सर्व पदाधिकारी-कार्यकर्त्यांनी व नागरिकांनी मोठ्या संख्येने उपस्थित राहावे, असे आवाहन शिवसेना जिल्हाप्रमुख संजय पडते यांनी केले आहे.