Sangli Crime : सांगलीत गांजा ओढणाऱ्या दोघांवर कारवाई

                                 सांगलीत दोन युवक गांजा ओढताना पोलिसांच्या जाळ्यात

सांगली : शहरातील मंगळवार बाजार परिसर आणि शहरातील पोलिस लाइन क्रीडांगणाजवळ गांजा ओढणाऱ्या अथर्व रमेश माने (वय १९, रा. राजीवनगर, मंगळवार बाजार), सुमित सचिन माने (वय २४, रा. शनिवार पेठ, माधवनगर) या दोघांना पोलिसांनी पकडले.

अथर्व माने हा मंगळवारी मध्यरात्रीच्या सुमारास महापालिकेच्या दुकानांच्यामागे आडोशाला गांजा ओढत असताना संजयनगर पोलिसांनी त्याला ताब्यात घेतले. पोलीस कर्मचारी लक्ष्मण घेरडे यांनी याबाबत फिर्याद दिली.

सांगली शहरातील क्रीडांगणाजवळ झाडाखाली सुमित माने हादेखील गांजा ओढत थांबला होता. शहर पोलिसांनी त्याला ताब्यात घेतले. पोलीस कर्मचारी योगेश हाक्के यांनी त्याच्याविरुद्ध पोलीस लाइन फिर्याद दिली आहे.