अभिषेक शर्मा टी-20 क्रमवारीत प्रथमच अव्वल

रवींद्र जडेजानेही कसोटी क्रिकेटमध्ये वाढवली आघाडी

मुंबई

भारताचा अष्टपैलू खेळाडू रवींद्र जडेजाने बुधवारी कसोटी क्रिकेटमध्ये जागतिक क्रमवारीत अव्वल स्थान पटकावण्यासाठी आपली आघाडी वाढवली आहे. तर अभिषेक शर्माने टी-20 क्रमवारीत प्रथमच अव्वल स्थान पटकावले. आयसीसीच्या ताज्या पुऊष कसोटी खेळाडू क्रमवारीत जडेजाने दुसऱ्या स्थानावर असलेल्या बांगलादेशच्या मेहदी हसन मिराजपेक्षा 117 रेटिंग गुणांनी आघाडी वाढवली आणि एकूण 422 गुण मिळवले.

दुसरीकडे, ऑस्ट्रेलियाने 5-0 असा विजय मिळवलेल्या पॅरिबियनमधील पाच सामन्यांच्या मालिकेत ट्रॅव्हिस हेड खेळू शकला नाही. त्यामुळे भारताचा सलामीवीर अभिषेक टी-20 मध्ये अव्वल स्थानावर पोहोचला आहे. डावखुरा शर्माचे आता 829 रेटिंग गुण आहेत तर हेड आता 814 गुणांसह दुसऱ्या स्थानावर आहे. चार विकेट्स आणि नाबाद 107 धावा काढल्यानंतर जडेजाने अष्टपैलू खेळाडूंच्या क्रमवारीत अव्वल स्थान पटकावले आहे, असे आयसीसीने त्यांच्या वेबसाइटवरील निवेदनात म्हटले आहे.

वॉशिंग्टन सुंदरनेही आठ स्थानांनी प्रगती करत 65 व्या स्थानावर पोहोचला आहे. त्याने पहिले कसोटी शतक आणि पाचव्या विकेटसाठी जडेजासोबत 203 धावांची दमदार भागीदारी केली होती. सुंदरने अष्टपैलू खेळाडूंमध्ये आठ स्थानांनी प्रगती केली आहे. त्याने सामन्यात दोन विकेट घेतल्या आहेत, असे आयसीसीने म्हटले आहे.

जो रूटने दुसऱ्या स्थानावर असलेल्या केन विल्यमसनपेक्षा कसोटी क्रमवारीत अव्वल क्रमांकावर असलेल्या फलंदाज म्हणून 37 गुणांनी आघाडी वाढवली आहे. तर इंग्लंडचा कर्णधार बेन स्टोक्सने तीन स्थानांनी प्रगती करत अष्टपैलू खेळाडूंमध्ये तिसरे स्थान पटकावले आहे. हे डिसेंबर 2022 नंतरचे त्याचे सर्वोच्च रँकिंग आहे. रूटने मँचेस्टर येथे इंग्लंडच्या एकमेव डावात 150 धावा केल्या तर स्टोक्सने पाच विकेट घेत 141 मौल्यवान धावा केल्या.

इंग्लंडचा गोलंदाज जोफ्रा आर्चर आणि ख्रिस वोक्स यांनीही नवीनतम रँकिंगमध्ये सुधारणा केली आहे. कसोटी गोलंदाजांच्या क्रमवारीत वेगवान गोलंदाज जोफ्रा आर्चरने चार वर्षांनंतर प्रभावी पुनरागमन केले आहे. त्याने 73 धावांत तीन बळी घेतले आहेत. त्यामुळे तो 38 स्थानांनी पुढे जाऊन 63 व्या स्थानावर पोहोचला आहे. क्रिस वोक्सने सामन्यात तीन बळी घेत एका स्थानाने 23 व्या स्थानावर पोहोचला आहे. इंग्लंडचा बेन डकेट पाच स्थानांनी पुढे सरकून 10 व्या स्थानावर तर झॅक क्रॉऊली 43 व्या स्थानावर पोहोचला आहे. ओली पोप 24 व्या स्थानावर पोहोचला आहे, असे आयसीसीने म्हटले आहे.

ऑस्ट्रेलिया आणि वेस्ट इंडिजमधील टी-20 मालिकेच्या समाप्तीनंतर यष्टीरक्षक-फलंदाज जोश इंग्लिसने टॉप 10 मध्ये स्थान मिळवले. पाच सामन्यांच्या मालिकेत इंग्लिसने एकूण 172 धावा केल्या असून यामध्ये दोन अर्धशतकांचा समावेश आहे. तो सहा स्थानांनी वर येऊन नवव्या स्थानावर पोहोचला आहे. तर टिम डेव्हिड (12 स्थानांनी वर येऊन 18 व्या स्थानावर) आणि पॅमेरॉन ग्रीन (64 स्थानांनी वर येऊन 24 व्या स्थानावर) यांनी कारकिर्दीतील सर्वोत्तम कामगिरी केली आहे.