रक्षाबंधनावर भावाच्या प्रेमाची गोड ओवाळणी

एसटी महामंडळाला प्रवाशांकडून तब्बल ₹१३७ कोटींची भेट

सोलापूर :

भाऊ-बहिणीच्या प्रेमाचा उत्सव असलेल्या रक्षाबंधनाच्या सणाने यंदा एसटी महामंडळाच्या तिजोरीत विक्रमी उत्पन्नाची भर घातली आहे. ८ ते ११ ऑगस्ट या अवघ्या चार दिवसांत १ कोटी ९३ लाख प्रवाशांनी एसटीने प्रवास केला, ज्यातून १३७.३७ कोटी रुपयांचे उत्पन्न महामंडळाला मिळाले.

विशेष म्हणजे ११ ऑगस्ट रोजी एकट्या दिवशीच ३९ कोटी रुपयांची कमाई झाली. ही रक्कम या आर्थिक वर्षातील सर्वाधिक उत्पन्न ठरली आहे, अशी माहिती परिवहन मंत्री आणि एसटी महामंडळाचे अध्यक्ष प्रताप सरनाईक यांनी दिली.

• रक्षाबंधनात भावनिक नात्यांचा विश्वास

मंत्री सरनाईक म्हणाले, “रक्षाबंधन आणि दिवाळीतील भाऊबीज हे असे सण आहेत, जेव्हा एसटीला दरवर्षी सर्वाधिक उत्पन्न मिळते. यंदाही लाखो प्रवासी आपल्या बहिणींच्या भेटीसाठी गावाकडे धाव घेत होते. याच भावनिक प्रवासातून लालपरीने नवे उत्पन्नाचे शिखर गाठले.” या कालावधीत महिला प्रवाशांची संख्या ८८ लाखांवर गेली होती. त्यामुळे एसटीनेही या नात्यांच्या प्रवासात आपली भूमिका समर्थपणे बजावली.

• कर्मचाऱ्यांना अभिनंदन

“हे फक्त आर्थिक उत्पन्न नाही, तर महाराष्ट्रातील लोकांच्या नात्यांचा, जिव्हाळ्याचा आणि विश्वासाचा पुरावा आहे,” असे सांगत, सरनाईक यांनी घरचा सण बाजूला ठेवून रात्रंदिवस सेवा बजावणाऱ्या एसटी कर्मचाऱ्यांचे मन:पूर्वक अभिनंदन केले.

• दिवसनिहाय उत्पन्नाचा तपशील :